Username *
Password *
an mich erinnern

Volkslieder & Mundart

S' Zündhölzli

Ig han es Zündhölzli aazündt
und es het e Flamme gäh
und i ha für d’Zigarette
welle Füür vom Hölzli näh
aber ds Hölzli isch dervo
gschpickt und ufe Teppich cho
und es hätt no fasch es Loch
i Teppich gäh dervo

Ja me weis was cha passiere
we me nid ufpasst mit Füür
und für d’Gluet ar Zigarette
isch e Teppich doch de z’tüür
und vom Teppich hätt – o Gruus
chönne ds Füür i ds ganze Hus
und wär weis was da nid alles
no wär worde drus

S’hätt e Brand gäh im Quartier
und s’hätti d’Füürwehr müesse cho
hätti ghornet i de Schtrasse
und dr Schluuch vom Wage gno
und si hätte Wasser gschprützt
und das hätt de glych nüt gnützt
und die ganzi Schtadt hätt brönnt
es hätt se nüt meh gschützt

Und d’Lüt wäre umegschprunge
i der Angscht um Hab und Guet
hätte gmeint s’heig eine Füür gleit
hätte ds Schturmgwehr gno ir Wuet
alls hätt brüelet: Wär isch tschuld
ds ganze Land i eim Tumult
dass me gschosse hätt uf d’Bundesrät
am Rednerpult

D’UNO hätt interveniert
und d’UNO-Gägner sofort o
für ir Schwyz dr Fride z’rette
wäre beid mit Panzer cho
s’hätt sech usdehnt nadinah
uf Europa Afrika
s’hätt e Wältchrieg gäh und d’Mönschheit
wär jitz nümme da

I han es Zündhölzli azündt
und das het e Flamme gäh
und i ha für d’Zigarette
welle Füür vom Hölzli näh
aber z’Hölzli isch dervo
gschpickt und ufe Teppich cho
Gott sei Dank dass i’s vom Teppich
wider furt ha gno

Schnäll nimmt’s en Schluck vo sym Schnäpsli,
git dänn im Dölfi der Räscht.
Plötzlig seit es zu sym Schätzli:
«Ich blib morn der ganz Tag im Näscht!»

Auf der Gitarre begleiten

C G7 a E F C F G7 C


 1975,    23  Feb  2016 ,   Volkslieder
bluebrowncustomgreenorangepinkredturquoiseyellow